Proxecto 12 meses, 12 paisaxes

INTRODUCIÓN

         Tomiño é unha parroquia que ofrece gran cantidade de variedade paisaxística, en pequenos recunchos, as veces descoñecidos ou pouco valorados.

         Coa realización do proxecto 12 meses, 12 paisaxes, preténdese que os nenos e nenas do CEP Pedro Caselles Beltrán melloren os seus coñecementos da paisaxe en xeral, e da parroquia de Tomiño en particular, grazas a súa propia experiencia  e as experiencias que lles transmitan os seus compañeiros. A través deste coñecemento, nenos e nenas, adquirirán conciencia da importancia do valor cultural, natural, emocional e económico da paisaxe.

         Neste proxecto estará implicado todo o alumnado do centro que pode traballar de forma individual ou por equipos, as familias as que implicaremos de forma activa na recollida de información e todo o profesorado do Centro que recabará e organizará os traballos do alumnado.

OBXECTIVOS

•        Identificar  distintos tipos de paisaxes do seu entorno.

•        Comparar as paisaxes próximas con outro tipo de paisaxes do mundo.

•        Describir unha paisaxe.

•        Valorar a importancia dunha correcta ordenación e uso do territorio.

•        Concienciarse do valor de cada individuo á hora de conservar e manter as paisaxes do entorno máis próximo.

•        Recoñecer e valorar elementos notables das paisaxes: naturais, arquitectónicos e etnográficos.

•        Recoñecer diferentes tipos de árbores autóctonas a través das súas follas, codia, froitos, etc

•        Valorar a importancia da conservación e coidado das árbores senlleiras da localidade.

•         Recoñecer os cambios que produce o tempo ou a man humana na paisaxe.

•         Utilizar os coñecementos adquiridos co seu traballo e o dos seus compañeiros na actividade “Turonia”

•         Valorar o traballo en grupo, tanto o propio como o dos compañeiros.

•         Manexar aparatos das novas tecnoloxías (móbiles, cámaras, tablets, portátiles) para a realización de traballos e rexistro de datos.

•         Consultar e analizar a través da web o traballo propio e o dos compañeiros.

•         Debater de forma ordenada e respectuosa os distintos traballos expostos na web.

•         Localizar a través de Google Earth elementos significativos da paisaxe local.

ORGANIZACIÓN, DESENVOLVEMENTO E METODOLOXÍA

O desenvolvemento deste proxecto terá lugar en tres fases:

FASE 1-INVESTIGACIÓN E RECOPILACIÓN

Terá lugar ao longo do mes de marzo. Comezará nas aulas cunha explicación dos distintos tipos de paisaxes e os seus elementos, seguida dunha explicación do tipo de investigación que pretendemos que fagan o alumnado. O traballo pode ser individual ou en grupo e versará sobre unha paisaxe do seu entorno máis próximo, un elemento significativo desa paisaxe ou  unha árbore senlleira. Constará dunha foto ou vídeo breve, a ser posible en soporte dixital, e dun pequeno texto ou gravación explicativa. Tamén se pode traballar arredor dunha foto antiga, ben comparándoa cunha moderna para ver a evolución da paisaxe, ben porque retrate  algún elemento significativo, arbore ou paisaxe xa desaparecida.

A cada familia faráselle chegar unha carta explicativa para que colaboren cos seus fillos e fillas na realización dos traballos, coa fin de recuperar lendas ou historias significativas relativas a esa paisaxe, elemento ou árbore.

FASE 2- ORGANIZACIÓN DOS TRABALLOS

Os traballos entregados serán organizados segundo a categoría e colgados no blog http://paisaxesdetomino.blogspot.com.es/. Tamén se montará un video-documental coas fotos, vídeos, textos e gravacións entregadas.

FASE 3-PRESENTACIÓN E DIVULGACIÓN DO TRABALLO

Na semana das Letras Galegas, do 13 ao 16 de maio, procederase a proxección do vídeo para todo o centro.

Despois nas clases, utilizando as pantallas dixitais e o material do blog os nenos debaterán e comentarán as impresións que lles producen os traballos dos seus compañeiros.

Na ultima semana de maio ou primeira de xuño ten lugar a actividade de “Turonia”, que é unha saída ao entorno, na que este ano se procurará levar a practica os coñecementos adquiridos polo alumnado a través do proxecto 12 meses, 12 paisaxes.

AVALIACIÓN

A avaliación do proxecto 12 meses 12 paisaxes realizarase a través dunha enquisa a tres niveis: profesorado, alumnado e familias, na que se formularán preguntas relativas ao traballo feito, a súa divulgación, utilidade e posibles melloras cara o curso que ven.

Esta enquisa faráselle chegar aos distintos membros da comunidade educativa a principios de xuño, e os resultados publicaranse na web en http://paisaxesdetomino.blogspot.com.es/